| Quotation |
en Avares Francique truces Gipidesque Getaeque / totque aliae gentes commotis undique signis
/ bella movent. qua vi tantos superabimus hostes, / cum, virtus Romana, iaces"? haec patris
amore / verba loquebatur lacrimans. nam pectore toto / bellorum iam cura fuit. iam signa ducesque / dispositi, classes, acies, exercitus, arma / consilio moderata novo taciteque parata.
Iustini nutu gentes et regna tremiscunt: / omnia terrificat rigidus vigor. hic pietatem / ostendit
natura suam, iustumque dolorem / divinis animis nulli evitabilis auxit / carnis condicio cunctis mortalibus aequa.
Hic pietas laudanda viri est semperque canenda. / dicite, quis hominum lacrimis ita possit amaris / flere senis mortem, regni successor et heres? / imperat et dolet: imperium proferre parenti / mallet
quam regni solium, quam sceptra tenere. |
