| Quotation |
nominibus tribus his regitur quodcumque movetur. / certatim gentes Romana ad foedera
currunt: / principe pro iusto Romanum nomen amatur, / subque pio domino cuncti bene vivere
quaerunt. ille etiam, solis qui se subiactat amicum, / ardua suspiciens minuentis cornua lunae, / noctivagosque colens astrorum consulit ignes, / urguetur terrore tuo, properatque superbum / inclinare caput subiectaque ponere colla.
quid Libycas gentes, quid Syrtica proelia dicam / iam libris completa meis? maiora canendi / tempus adest. senio dextram, pie, porrige fesso. |
