| Quotation |
Nunc vero in fide catholica per omnia firmus, sublimitati vestrae scriptis discurrentibus praedicator
occurro, et primo mihi divinum favorem vestro interventu appropinquare confidenter exoro meque vestris subiectum imperiis ex integro veraciter pronuntio, ut sicut praecelsum pietatis vestrae [iubar] per universas gentes toto orbe praefulget, ita et per ministerium meae humilitatis, sicut semper est, sedes beatissimi Petri in universali ecclesia adsignatum sibi a Domino principatum teneat, et ut
vestra sanctitas et Romana ecclesia canonice sibi esse subditum cognoscat, et individua sanctae
Trinitatis fide ea vocatione, qua vocatus sum, Christo miserante devotum esse firmissime sciat, sicut
inferius testatur pagina meae credulitatis inscripta .... |
