| Quotation |
sic gubernavit duas gentes in uno, Romanorum et Gothorum, dum ipse quidem Arrianae
sectae esset, tamen nihil contra religionem catholicam temptans, ut etiam a Romanis Traianus
vel Valentinianus, quorum tempora sectatus est, appella<re>tur et a Gothis secundum edictum suum,
quo ius constituit, rex fortissimus in omnibus iudicaretur.
militiam Romanis sicut sub principes esse praecepit.
dona et annonas largitus, exhibens ludos circensium et amphitheatrum, quamquam aerarium publicum ex toto faeneum invenisset, suo labore recuperavit et opulentum fecit. |
