Stelle 07. Tempore igitur interueniente a...; (De excidio Britanniae (490 - 540), (p. 40)) [2055]

Basic Information
Keywords
ID 2055
Text De excidio Britanniae (490 - 540) Gildas
Quotation 07. Tempore igitur interueniente aliquanto, cum recessissent domum crudelissimi praedones, roborante deo reliquiae, quibus confugiunt undique de diuersis locis miserrimi ciues, tam auide quam apes aluearii procella imminente, simul deprecantes eum toto corde et, ut dicitur: 'innumeris onerantes aethera uotis', ne ad internicionem usque delerentur, duce Ambrosio Aureliano uiro modesto, qui solus forte romanae gentis tantae tempestatis collisione occisis in eadem parentibus purpura nimirum indutis superfuerat, cuius nunc temporibus nostris suboles magnopere auita bonitate degenerauit, uires capessunt, uictores prouocantes ad proelium: quis uictoria domino annuente cessit. 16. Ex eo tempore nunc ciues, nunc hostes, uincebant, ut in ista gente experiretur dominus solito more praesentem Israelem, utrum diligat eum an non; usque ad annum obsessionis Badonici montis, nouissimaeque ferme de furciferis non minimae stragis, quique quadragesimus quartus ut noui orditur annus mense iam uno emenso, qui et meae natiuitatis est. 20. Sed ne nunc quidem, ut antea, ciuitates patriae inhabitantur; sed desertae dirutaeque hactenus squalent, cessantibus licet externis bellis, sed non ciuilibus.
Translation
Quotation source (p. 40)
Associated use case(s)
Comment