| Quotation |
Tunc igitur ille sermo completus est: Collectos ex omnibus gentibus, quae sub caelo sunt, viros
religiosos, inter quos erant Parthi et Medi et Helamitae, et qui inhabitant Mesopotamiam, Iudaeam et
Cappadociam, Pontum et Asiam, Phrygiamque et Pamphyliam, Aegyptum et partes Lybiae secus
Cyrenen et advenae Romani, Iudaei et proselyti, Cretes et Arabes.
8 Verumtamen illis hoc deerat, quod non sicut isti omnes ex dei ministris undique consistebant.
In praesenti siquidem choro multitudo erat episcoporum numerum trecentorum excedens
sequentibus eos presbyteris ac diaconibus et acolitis, quorum numerus non poterat conprehendi. |
