| Quotation |
Quibus evenit, ut adsolet genti, necdum bene loco fundatis, penuria famis, coeperuntque primates eorum et duces, qui regum vice illis praeerant, id est Fritigernus, Alatheus et Safrac,
exercitus inopiam condolere negotiationemque a Lupicino Maximoque Romanorum ducum
expetere. verum quid non auri sacra fames compellit adquiescere? coeperunt duces avaritia compellente non
solum ovium bovumque carnes, verum etiam canum et inmundorum animalium morticina eis pro magno contradere, adeo, ut quemlibet mancipium in uno pane aut decem libris carne mercarent.
sed iam mancipiis et supellectile deficientibus filios eorum avarus mercator victus necessitate exposcit. |
