| Quotation |
A. d. i. 1108. Rex Heinricus Mogontie natalem Domini celebrans, Rotbertum Flandrie comitem in
gratiam recepit.
Eo tempore orta simultate inter Colomannum regem Pannonie germanumque eius vocabulo Almum,
eo quod uterque sibi pocius regiam conpetere dignitatem iure gentis illius contenderet, spoliatus tam
rebus quam ducatu, quo inter Ungaros clarus et ut decuit fratrem regis a rege secundus claruit, Almus
regem Heinricum adiit, et in auribus tocius senatus haud secus quam ille quondam Atherbal miserias
suas deplorans, Romani inperii magnificentiam in conpassionem et defensionem sui flectere curavit.
Eo tempore Ita, coniunx ducis Suatopluk, peperit filium, pro quo rex Heinricus misit, et de sacro fonte
babtismatis eum levans, suo nomine Heinricum appellat. |
