| Quotation |
Quid multa? Concilio habito, et synodicis canonicisque sententiis convictus Gregorius symoniacus,
sponte sua sede desiliens, pontificalibus se infulis exuit, et terre prostratus, invasi honoris
indulgentiam sibi concedi humiliter petiit.
Quo facto imperator valde letificatus, cum omnibus eiusdem concilii episcopis Romam venit, et in
ecclesia beati Petri apostoli congregato clero populoque Romano, et facta discussione quis de ipsa
ecclesia dignus inveniretur tanto sacerdotio fungi, cum non reperiretur, electione cunctorum,
episcopus Pavimbergensis de gente Saxonum papa Romanus levatur, eique Clemens nomen
imponitur.
Tunc temporis eidem Heinrico patriciatus honorem Romani contribuunt, eumque preter imperialem
coronam aureo circulo uti decernunt. |
