| Quotation |
Praeterea mirari se dilecta fraternitas tua significat, quod non Francorum set Romanorum imperatores
nos appellemus; set scire te convenit, quia nisi Romanorum imperatores essemus, utique nec
Francorum.
A Romanis enim hoc nomen et dignitatem assumpsimus, apud quos profecto primum tantae culmen
sublimitatis et appellationis effulsit, quorumque gentem et urbem divinitus gubernandam et matrem
omnium ecclesiarum Dei defendendam atque sublimandam suscepimus, a qua et regnandi prius et
postmodum imperandi auctoritatem prosapiae nostrae seminarium sumpsit.
Nam Francorum principes primo reges, deinde vero imperatores dicti sunt, hii dumtaxat, qui a
Romano pontifice ad hoc oleo sancto perfusi sunt. |
