| Quotation |
Sed Dei omnipotentis virtute impetum christianorum ferre non valens pars adversa, Attila cum suis
aufugit, ex plaustris mox et equinis sellis septum fragile castrorum in modum piramidis sibi prestruxit
intro clausus, ut, si adversarii statuissent persequendum, flammis se iniecisset, ne aut aliquis eius
vulnere letaretur aut in potestate tantarum gentium perveniret.
In hoc fortissimarum gentium bello ab utrisque partibus 165 milia cesa referuntur, exceptis 15 milibus
Gepidarum et Francorum, qui ante congressionem publicam noctu sibi occurrentes, mutuis se
concidere vulneribus, Francis pro Romanorum, Gepidis pro Hunorum parte pugnantibus.
Gallia Comata tanto hoste adeo, ut primo paucis pretitulavimus, tempore sed pauco, remansit deleta,
ut vix, ut ita dicam, in initio respirationis defuit, qui perpauca auditoribus nuntiare potuerit. |
