| Quotation |
In nomine sancte et individue trinitatis, patris et filii et spiritus sancti.
Anno deo propitio domni Ottonis imperatoris ex quo Italiam cepit tercio habitum est concilium in
ecclesia beati Petri apostolorum principis V Kalendas Martii, mense Februario die vicesima sexta,
indictione septima, prepositis in medio sacrosanctis Christi quattuor evangeliis, presidente piissimo et
coangelico domino Iohanne summo pontifice sancte Romane ecclesie duodecimo papa, in venerabili
basilica eiusdem presentibus etiam cum eo reverentissimis episcopis: id est Iohanne Gallisane ecclesie
episcopo, [...] astantibus diaconibus, id
est: Benedicto archidiacono, item Benedicto diacono, Bonofilio diacono seu reliquis astantibus.
ACTIO PRIMA. Iohannes piissimus ac mitissimus sancte Romane ecclesiae papa dixit: "Scitis,
dilectissimi fratres, me fuisse expulsum imperiali vi a propria sede per duos menses. |
