| Quotation |
Cuius felicissimi apostolatus tempora ipsamque eius auctoritate canonica suffultam doctrinam scire
volentibus evidenter explicabimus.
Anno dominicae incarnationis 1124; indictione 2, Kalixto papa secundo Romanae sedi praesidente,
Otto, Dei gratia Babenbergensis aecclesiae octavus episcopus, igne divini amoris succensus, et
praedicti apostolici auctoritate assensuque roboratus, partes Pomeranorum paganorum cum
quibusdam civitatibus terrae Liuticiae aggressus est, ut eos ab errore gentilitatis revocaret, et ad viam
veritatis agnitionemque Christi filii Dei perduceret.
Quibus Domino opitulante conversis et baptizatis, aecclesias construxit ac consecravit. |
