| Quotation |
Quod protinus fecit, tenensque caput Iuliani, dedit ei pacis osculum, dimisitque eum in magna
benivolentia multisque muneribus.
His temporibus Narses, cartularius quondam imperatoris Iustiniani, sed pro bono servicio factus
patricius, Totilam regem Gothorum, auxiliantibus Longobardis, Romanorum tunc amicis sed adhuc in
Pannonia positis, occidit, gentemque Gothorum de Italia exterminavit.
Idem etiam Narses Buccellinum ducem Francorum, a Theoderico rege missum ad devastandam
Italiam, occidit, et Sindoaldum regem Brendorum, qui remanserat de generatione Herulorum, quos
Odoaccar duxit in Italiam, apprehendit, et in alta trabe suspendit, totamque Italiam ab hostibus
liberam reddidit. |
