| Keywords |
|
| ID |
2449 |
| Text |
Gesta episcoporum Tungrensium, Traiectensium et Leodiensium (972 - 980) Heriger of Lobbes |
| Quotation |
illi uero postquam multos ad fidem christi imbuerunt et iam ad alia loca tempus transmigrandi
uidentes ualedicentes fratribus per galliam et quocumque transibant uerbi diuini spargentes
sementem tandem peruenerunt ad antiquissimam trebirorum trium ciuitatum metropoleos urbem.
quarum medianam matremque mediomatricum scilicet ciuitatem quam romani qui pene quicquit
uspiam gentium erat suo subdiderant imperio ob memoriam mettii fofecei albanorum regis mettim
uocauerant sicut et ob memoriam tulli romanorum tercii regis eidem contemporalis et primo quidem
sibi foederati sed post ob rutum foedus male multati leuchum aulercorum populosam ciuitatem
tullum nominauerant metensem inquam urbem quidam diuini iubaris iam irradiauerat spiculus
beatus uidelicet clemens a beato petro eidem urbi iam ante praemissus.
qui dum primo illuc aduentasset et sub theatrales arenas quia aliud non habuerat hospicium
accepisset aecclesiam sub beati petri nomine paruulam ibi dedicauit in qua multos scenicis maxime
ludis et lupanaribus deditos ad christum conuertit. |
| Translation |
|
| Quotation source |
Cap. 6 (p. 168, lin. 22) |
| Associated use case(s) |
|
| Comment |
|
