| Quotation |
Vim vastatorum vehit in sua regna malorum
Et sua vastabat aliosque necare parabat,
Consiliis rebus cunctis nocet atque diebus.
Roma laborabat, quam proxima terra gravabat,
In quam, ceu suevit, fortis Lombardia sevit,
Surgit et in gentes antiquitus armipotentes
Rege sub ingrato Desiderius et vocitato,
Qui Theodorici potuit de sanguine dici,
Temptans fortunam Romani sanguinis unam
A se convelli vel de regno male pelli,
Et fortis durus his instabat quasi murus.
In se diffidunt necnon sua regna relidunt
Romani, secum non stant, veluti foret aequum,
Sed sibi discedunt timidi, sua iuraque laedunt;
Nec sibi Grecorum iuvitque potentia morum,
Sed Lombardorum conpressit eosque malorum. |
