| Quotation |
Hec in transcursu de vestra sufficiat dixisse prosapia et de progenie celsitudinis vestrae.
Porro ego dudum amitae vestrae, relictae videlicet comitis Stephani Carnotensis, codicem unum de
gestis Romanorum imperatorum deflorare curavi, qui continet Francorum adventum in Galliam, et
regum antiquorum eiusdem gentis refert prosapiam usque ad Karolum Magnum et eius filium
Lugdovicum.
Quorum Karolus Magnus sua industria Romanorum sibi vindicavit imperium, et decedens suo
reliquit filio Lugdovico. |
