| Quotation |
Sicut enim apud nos duo sunt genera personarum, scilicet laicales, id est populares - nam laos
populus interpretatur - et ecclesiastice, sic et apud gentiles et apud Hebreos, a quibus nostre
habuerunt initium.
c) Apud gentiles seculares erant hee persone: Monarcha, scilicet inperator Romanus, patricii, qui et
senatores dicebantur, ad quorum arbitrium de uniuersis ordinabantur reges, duces, presides, prefecti,
tribuni plebis, tribuni militum, pretores, centuriones, decuriones, quaterniones, triumuiri, questores,
ediles, aule ianitores.
In ritu templorum erant archiflamines, flamines, sacerdotes in utroque sexu. |
