| Quotation |
Constituebant autem annualia dona in Papiae palatium perducenda, auri libras decem, argenti
centum, pallia optima decem, exceptis privatis donis.
Et quando imperator adveniebat Romam vel suus legatus, mittebantur iudices a palatio singulis annis,
qui per cuncta Romanorum confinia legalia vendicabant placita, compellentes habitatores locorum
illorum venire ad placitum, iudicantibus eorum iudicibus rectam legem in praesentia imperialium
iudicum; et si alterius gentis invenirentur habitatores, regali iudicio iudicabantur.
Erant denique monasteria in Sabinis domini Salvatoris et sanctae Dei genitricis Mariae, necnon et
monasterium beati Andreae apostoli iuxta montem Soractis, seu cetera fiscalia patrimonia intra
Romanos fines ad usum imperialem. |
