| Quotation |
Quod si cuncti taceant, Lateranense palatium, sanctorum quondam hospitium, nunc prostibulum
meretricum, non silebit amitam coniugem, Stephaniae alterius concubinae sororem.
Testis omnium gentium praeter Romanarum absentia mulierum, quae sanctorum apostolorum limina
orandi gratia timent visere, cum nonnullas ante dies paucos hunc audierint coniugatas, viduas,
virgines vi oppressisse.
Testes sunt sanctorum apostolorum ecclesiae, quae non stillatim pluviam, sed totum intrinsecus supra
ipsa etiam sacrosancta altaria imbrem admittunt. |
