| Quotation |
Ecce enim, Romanae rei publicae status cum quanto non solum hostium, sed et civium detrimento
profecerit, videmus.
Alterna quippe mutatione ad instar maris, quod nunc succiduis attollitur incrementis, nunc naturali
dampno ac defectu subducitur, Romanorum res publica nunc gentes et regna bello premendo,
subiciendo ad caelos adtolli videbatur, nunc rursum ab eis pressa vel pestilentiis ac morbis desolata ad
abyssum usque mergi putabatur, quodque his maius est, omnibus bene ordinatis ac compositis
intestino ac civili malo in se ipsam ruens miserabiliter eviscerabatur. |
