| Quotation |
Quae omnia non solum ex gentium historiis, sed et ex visione Danielis, ubi de regnis austri et
aquilonis loquitur, et expositione Ieronimi in eundem prophetam melius cognoscuntur.
Unde duae hae civitates, cum processu temporis ecclesia a primitivis patribus secundum
distributionem gentium ordinaretur, tanquam post Romanam urbem dignissimae, ad ipsius instar
urbis solae patriarchales sedes habere meruere.
Constantinopolitana siquidem et Hierosolimitana postmodum crescente ecclesia, altera ob imperii
sedem, altera ob sanctum sepulchrum et antiquum illud ac toti orbi venerabile Domini templum,
patriarchales sedes permissione patrum sortitae sunt. |
