| Quotation |
Gravissimae pestilentiae plurimis Romanorum tunc fuere provinciis.
Hisdem etiam diebus dum imperator contra Germanorum fortissimam gentem manum conserere
parat, exercitu plurimum siti fatigato ac tam ex hostium multitudine quam fortitudine pavore
perculso Christianorum, qui in procinctu erant, precibus et Romanis ad subsidium subito largus
imber profunditur, et barbari, qui iam exicialiter imminebant, crebris fulminibus deterrentur.
Sicque sanctorum precibus hostibus fugatis Romani non suis, sed Dei virtutibus victoria potiuntur. |
