| Quotation |
Ipsi namque de bono opere saluatoris peiores effecti, et inde per inuidiam mortui, quod ille unam in
semetipso et utramque in suis fidelibus mortem uicit, malignis spiritibus traditi et per furorem suum
facto impetu semetipsos in mari praecipitauerunt.
Quomodo uel in quod mare semetipsos praecipitauerunt? Nimirum seditiones excitando impacabiles,
ut plurimi scriptores et maxime Iosephus refert, in Romanum irruerunt imperium, et mira insania,
mirabili pertinacia uictores omnium gentium in suas neces, in excidium loci et gentis excitauerunt. |
