| Quotation |
Quod deinde sequitur: Arundinem quassatam non confringet, et linum fumigans non exstinguet, circa
ipsos Iudaeos sic recte potest intelligi, ut illud: Cum iratus fueris, misericordiae recordaberis.
Ecce enim ubi uenerunt Romani, gentemque et locum tulerunt, ciuitasque et templum datum est in
exustionem ignis, tunc utique arundo quassata est, et ex tunc linum fumigat longa captiuitatis
dispersione palam cunctis exhibens suae calamitatis monimenta.
Sed neque arundinem sic quassatam confringet, neque linum sic fumigans exstinguet, quia caecitas ex
parte contigit in Israhel, donec plenitudo gentium subintraret, et tunc reliquiae saluae fient. |
