| Quotation |
Originem gentis nostrae, regni scilicet Francorum, notificemus aliis ex relatu fideli maiorum. Post illud famosum et cunctis saeculis et gentibus notum Troianae civitatis excidium, victoribus Grecis cedentes reliquiae Troianorum, pars eorum cum Enea ad fundandum Romanum imperium ad Italiam perrexit; pars una, scilicet duodecim milia, duce Antenore in finitimas Pannoniae partes secus Meotidas paludes pervenit, ibique civitatem aedificaverunt, quam ob sui memoriam Sicambriam
vocaverunt.
In qua multis annis habitaverunt, et in magnam gentem coaluerunt, et crebris incursibus Romanum
solum incessentes, usque ad Gallias ferocitatis suae vestigia dilataverunt. |
