| Quotation |
Nihil fit in terra sine causa, ideoque diuina iudicia non sunt nostra falsa opinione uel preiudicio precurrenda.
Quanto honore populus Romanus uirgines semper habuerit, hinc apparet, quod consules et
imperatores, et in curribus triumphantes, qui de superatis gentibus et tyrannis trophea referebant, et omnis dignitatis gradus eis de uia cedere solitus sit.
Quis ergo, Theodora, uerbis possit explicare, quantae uirgines et in ethnicismo pro tuenda uirginitate
occubuerint, quae sic honorabantur ab omnibus, quarum nonnullae desponsationis tempore sponso
morte sublato nuptiarum legem penitus respuerunt dicentes, quamquam intactae essent corpore,
tamen si alterum cogerentur accipere, quasi secundum acciperent, cum priori mente nupsissent? |
