| Quotation |
Deinde in Mesia mansionem statuerunt, post haec iam humaniores et prudentiores effecti, supra mare
Ponticum sedes habuerunt.
Qui in duas gentes Ostrogothas et Wisigothas divisi, in tantam roboris eminentiam processerunt, ut Romanis sepius in auxilium evocarentur, ipsam etiam omnium regnorum dominam Romam sub
Alarico rege obsessam caperent, sub regibus eque suis, Ermenrico, Genserico, Totila atque Thioderico,
universis Italiae rebus potirentur.
Hic est Thiodericus, cuius animam inclusus quidam a Iohanne papa et Simmacho patricio, quos inter
alios iniuste occiderat, in olla Vulcani vidit iactari. |
