| Quotation |
Nam sicut per Salomonem dicitur: Fama bona impinguat ossa, huiusmodi adipe et pinguedine repleatur anima nostra.
Anno ab exordio salutis nostrae, id est ab incarnatione Domini nostri Iesu Christi, ducentesimo
septuagesimo quinto Aurelianus principatum Romani imperii adeptus est, quinque tantum annis et sex mensibus regnaturus; sub quo gloriosus et sanctus Domini martyr Patroclus victoriosi certaminis sui cursum feliciter consummavit, et in curru Dei decem milibus multiplici, hoc est in milibus laetantium, evectus, in urbem coelestis rei publicae triumphavit, statuens in Tricassina urbe tropheum gloriae suae, corpus posteris honorandum, exteris etiam gentibus praedicandum.
[Exinde circiter sexcentos octoginta quinque annos sanctus Bruno, reverendissimus Coloniensis
ecclesiae archiepiscopus, ab Ottone imperatore augusto fratre suo in Lugdunensem Galliam missus
est, nobis in tempore ipso, populo illius provintiae pene sero; ubi diversae voluntates civium
distractaeque fuerunt sententiae; velle suum cuique; nec consiliis solum et studiis, sed armis etiam
dissidebant et castris. |
