Quotation |
Itaque fere cuncte nominis christiani provincie ad maturandum iter propositum immensis apparatibus
studiisque fervebant . . .
27. . . . Fredericus imperator Romanus, tante vecordie Mure succensens, eosdem non expectandos censuit, sed filio seniori, quem regem Longobardorum constituerat, imperii cura commissa, cum filio
Suevorum duce per Pannonias Thraciasque iter facturus, tempore congruo peregrinationem arripuit,
ducens secum maximas atque fortissimas Germanicarum gentium copias.
De regno quoque Francorum Iacobus de Aveniis, vir fortis et nobilis, cum aliis plurimis, necnon et ex aliis regnis christianis armata manus non modica, imperatore Latino propter Greci imperatoris
perfidiam per subditas illi regiones morose transeunte, liquidi itineris compendio Tirum venerunt
atque, annitente marchione, qui eidem urbi pro tempore presidebat, cum Templariis et Hospitalariis
Tholomaidam, que nunc Acra dicitur, valido fultam presidio, obsederunt . . . |