| Quotation |
Tunc in aula regia, imo Romae omnia aecclesiastica iura erant venalia; quicunque volebat de populo,
ut dicitur in libro Regum, implevit suam manum et fiebat sacerdos idolorum.
Itaque, ut impleretur illud prophetae: A sanctuario meo incipite, primum Gregorius papa, ut prefati sumus, in sancta nocte nativitatis Domini, in Romana urbe missam in galli cantu celebrante a quodam Crescentio cive Romano, Heinrici fautore, gladio in caput fortiter ictus et in terram ruere coactus, magna vi captus et in suam turrim est trusus.
Verum eodem die destructa Crescentii turre, ante vesperam a populo Romano sedi propriae restitutus
missam, quam pridem in galli cantu usque ad communionem compleverat, studuit peragere adhuc
ieiunus, interim a duobus ad altare sustentatus. |
