Quotation |
Ipse autem in castello eodem, quamquam pro tot et tantis hereticorum et scismaticorum scandalis et
repugnantiis non parum mestificatus, usque in Augustum mensem perstitit.
Et inde Romam suam, dum via sibi in partes Theutonicas ad tot discordias componendas non patuerit,
cum maxima acceptus dignatione civium Romanorum sibi occurrentium et venerabiliter eum
salutantium satis gloriose revisitavit.
Dux etiam Ruodolfus cum consilio ceterorum regni principum, postquam regem vere reconciliatum
audierant, nuntium direxit ad eum, nimis obnixe et dignanter obsecrans, ne ipse omnino in
Theutonicas partes veniret priusquam aut papam sive imperatricem illuc premitteret, qui ipsi dignam
susceptionem et pacificam studiose prepararent. |