| Quotation |
Idem item Guaimarius alio precepto concessit in hoc monasterio medietatem curtis in finibus Sarni
loco vocabulo Lentiaria, que fuit cuiusdam Agenardi, cuius videlicet medietatem idem Agenardus
iam beato Benedicto obtulerat, cum omnibus ad eandem curtem pertinentibus.
Hic fecit libellum cuidam Adelario civi Romano de ecclesia sancti Benedicti, que ibidem nobis
antiquitus pertinuit, ea condicione, ut, quotiens vel abbas vel monachi nostri Romam pro aliqua
utilitate perficienda perrexissent, honorabiliter eos in eadem ecclesia reciperet, quandiu ibi remorari
necessarium esset, et omni anno pro censu LX denarios monasterio nostro transmitteret.
Defunctus vero est predictus abbas XVI kal. Septembris. |
