| Quotation |
Si enim milies occidar, nullus me separabit a dilectione loci istius; nam non dico imperatori, qui
christianus est, sed etiam alicui pagano sive tiranno occurrere non recuso, dummodo res monasterii
valeam ab eius barbarie liberare.
Nam et Leo papa ut civitatem Romanam a devastatione et incendio liberaret, Genserico regi Arriano
occurrit, et Savinus Canosinus Totilam eque Arrianum ad convivium invitavit et de manu eius
calicem accepit et bibit, et pater Benedictus Zallam similiter perfidie Arriane hominem etiam in
oratione suscepit, ut eum afflictione rustici mitigaret."
Hec cum dixisset patri Benedicto se commendans iter arripuit. |
