| Quotation |
Inter haec mortuus est Iustinianus, et successit Iustinus.
Narses autem patricius cum, superata gente Gothorum, Italiam securus iam teneret, Romani per
invidiam accusationem adversus eum direxerunt Iustino augusto et Sophiae, uxori eius, dicentes:
Melius esset nobis servire Gothis quam Grecis, ubi Narses castratus imperat et nos servicio premit, et
noster sanctissimus princeps hoc nescit. Aut libera nos de manu eius, aut certe civitatem Romanam et
nosmet ipsos gentibus trademus.
Audiens hoc Narses, scripsit ad augustum, dicens: Si male feci cum Romanis, male inveniam. |
