| Quotation |
Huius tamen operis occasione per omnes abbatiae homines imposuit tributi reddendi dationem, quam
non, ut finxerat, ad aecclesiae renovationem colligebat, sed in proprios libitus vel consanguineorum
usus dispergere festinabat.
Denique pro eo maxime quod opus hoc aut quamlibet monasterii utilitatem congruam incipere vel
agere negligebat, et intus vel extra bona huius cenobii sine retractione devastabat, quidam huius
congregationis fratres haec non ferentes, de monasterio recesserunt, et cum aliquibus capitaneis vel
civibus Romanis fidelibus aliquantis zelo rectitudinis satagere moliebantur, ut compescerent
predictum abbatem ab huius monasterii devastatione salva domni imperatoris aequa fidelitate, et sacramenti quod nobis fecerat rationabiliter eum facerent recognoscere prevaricatorem, et ne amplius domus haec per illum dissiparetur studerent, donec domno imperatori fideliter intimarent.
Sed illis differentibus, tamdem predictus abbas a plurimis de negligentia correptus, aecclesiae
inchoavit magnum in monte opus. |
