| Quotation |
Cumque tabe moriencium pestilencia cotidie sumeret incrementum, Febo consulto didicerunt quod
numquam cessaret, nisi aliquis Romanorum se sponte hiatu prefato precipitaret, preferens salutem
populi sue proprie saluti.
Itaque quendam civem Romanorum, generose quidem stirpis set etate et ignavia inutilem sibi et urbi vitam degentem, exoraverunt ut se victimam pro salute universe urbis faceret, ea quidem condicione,
quod progeniem eius totam ditarent et in numero potentum susciperent.
Qui id omnino renuens respondit sibi nichil prodesse posteritatis gloriam suscipere <si> vivus
regionem intraret tartaream. |
