| Quotation |
Dumque hac intentione iter perageret, ut praedictarum provinciarum partes postponeret, coepit austri Germaniam ingredi, donec veniret ad amnis Danubii fluenta in partibus Bawariorum. (...) Cuius dum fluenta sequeretur, ad Radasponam urbem pervenit, que sectis constructa lapidibus, in metropolim arcem huius gentis excreverat. (...) Quam eo tunc tempore dux gentis Bawariorum vir alacer Deoto regebat; in quam pater venerabilis episcopus ingressus est. (...) Dumque praenotati principis obtutibus praesentatus esset, suumque secretum ad aditum oris perducens, Deo opitulante, Pannoniae partibus ad gentem Avarorum iturum se testatus est, ibique se aut pro Christo crucem pati velle aut illius nutu vitam in pace finire. |
