Quotation |
Ille siquidem ortu suo pacauerat secula qui delere uenerat contradictionis et mortis imperium. Licet enim haec immensitas pacis asscriberetur Augusto, Christo tamen potius asscribenda est, qui ciuis Romanus indictione census asscriptus est regnante Augusto.
Siquidem euangeliorum et historiarum ueridica relatione constat quia sub eo natus est auctor unicus pacis, Deus homo, uirginis filius Christus, cuius eterna dispositio ad ueram pacem et felicissimi regni
beatitudinem conscripsit electos, cuius aduentus multis praenuntiatus est et patefactus indiciis. |