Quotation |
Cana autem parva civitas est in Galilaea gentium, in cuius Galilaeae partibus sita est et civitas
Capharnaum, ubi beatus evangelista Mattheus Christum testatur habitasse dicens: Cum audisset Iesus
quia Iohannes traditus est, secessit in Galilaeam; et relicta civitate Nazareth - alterius videlicet
Galilaeae - venit, inquit, habitavit Capharnaum maritimam in finibus Zabulon et Neptalim; ut
adimpleretur quod per Esaiam prophetam dictum erat: Terra Zabulon et terra Neptalim, via maris
trans Iordanen Galilaeae gentium Populus, qui sedebat in tenebris, lucem vidit magnam, et qui
sedebant in regione et umbra mortis, lux orta est illis.
Iohannes quoque evangelista beatissimus memorat quod dominus Iesus reliquerit terram Iudaeam et
abierit iterum in Galilaeam. |