| Quotation |
Sed in hominibus daemones proclamant, cur sedem inuideat, cur ante iudicii tempus infestet.
Adiacebat etiam eis duobus gentium populis plebs ex Sem genere Sadducaeorum, quorum haeresis
ex Iudaeis negatae resurrectionis piaculum est.
Videntes igitur daemones non sibi iam locum in gentibus derelinqui, ut patiatur habitare se in
haereticis deprecantur; quibus occupatis, totus in mari impetu rapido per praeceps grex coactus est, in
cupiditatem scilicet saecularem daemonum praecipitatur instinctu in aquis multis, id est cum
reliquarum gentium infidelitate moriturus. |
