| Quotation |
Haec domus illa est, fratres, ubi ex omni gente et tribu nos sancti spiritus gratia congregauit, et
uacuato omni conditionis, gentis sexusque discrimine, unus in omnia et in omnibus christus apparuit.
In hac uere domo scripturae diuinae fides impletur, in qua diuersitas gentium atque populorum, in
qua principes, potestates et omnis sublimitas et sine despectione paupertas congregatur in unum.
Astant ecce piissimi principes, uni seruientes, ut omnibus dominentur; inclinantes deo capita, ut eis
uniuersitas gentium colla submittat; offerentes soli deo munera, ut omnium nationum consequantur
tributa. |
