| Quotation |
Pauper uero populus iudaeorum qui aliquid uidebatur habere ex lege ac prophetis ex merito
patriarcharum, ex gratia iustorum, sed in stercore iacebat, quia iacebat in uitiis corporalibus, in
sordibus peccatorum, in errore gentilium.
Populus uero gentium qui in inope significatus agnoscitur, in terra iacebat, quia idola terrena colebat,
quia totum de terra, nihil de caelo sperabat.
Ambo igitur suscitantur, quia ambo saluantur; ambo eriguntur, quia ambo liberantur: hic de terra
uitiorum, ille de stercore peccatorum; hic de cultu idolorum, ille de praeuaricatione iustitiae. |
