| Quotation |
Ecce, inquit, accola, gentilis uidelicet populus, ueniet ad me per fidem recte credendo et bene
uiuendo, qui ante non erat me cum, seruiens idolis uariisque erroribus.
Aduena, id est proselita quondam tuus, o ecclesia primitiua, populus uidelicet gentium, qui longe
erat a te et a fide tua, adiungetur tibi modo uocabulo nominis christiani et fidei unitate.
Sancta enim ecclesia, quae ante in Iudaeis solummodo erat, modo constat ex utroque populo
circumcisionis et praeputii collecta in unum ouile, sicut dominus in euangelio dixit: Et alias, inquit,
oues habeo, quae non sunt ex hoc ouili, et illas oportet me adducere, et uocem meam audient, et fiet
unum ouile et unus pastor. |
