| Quotation |
Ea propter subiungitur: ET MVLTO TIBI MELIOR EST | QVAM SI SEPTEM HABERES FILIOS,
multitudinem scilicet eorum qui sub ueteri Testamento in legis doctrina nutriebantur, qui non
crediderunt uerbo Dei, immolantes filios suos et filias suas daemoniis, tandem Christum occidentes et
apostolos persequentes.
Quoniam ergo ad defensionem fidei et Ecclesiae munitionem multo melior est eidem Ecclesiae
populus conuersus nationum quam nequam Iudaeorum uniuersitas, qui filii dicuntur scelerati,
Domino benedicitur, quo largiente populus idem non defecit, sed profecit in suscepta fide
perseuerans.
|
