| Quotation |
In ipso iussionis exordio quo propheta ad praedicandum mittitur, aperte et uocatio gentium et israelitarum repulsio designatur.
Nam cum dicitur: non ad populos multos profundi sermonis et ignotae linguae mitteris quorum non possis audire sermones, atque statim subditur: et si ad illos mittereris, ipsi audirent te, aperte
declaratur obedientia gentium, quae quandoque praedicatorum uoces essent sine tarditate secuturae.
Et cum subditur: domus autem israel nolunt audire te, quia nolunt audire me, iudaeae duritia
designatur, quae uerba praedicantium et cognouit, et sequi noluit. |
