| Quotation |
Vnde bene apud Matthaeum asina quoque cum pullo alligata repperitur.
Asina quippe, quae subiugalis fuit et edomita iugum legis traxerat, sinagogam significat; pullus asinae
lasciuus et liber populum nationum demonstrat, cui nemo umquam hominum sedit, id est nemo
rationabilium doctorum frenum correptionis, quo uel linguam a malo cohibere uel in artam uitae uiam
ire cogeretur, imposuit; nemo indumenta salutis, quibus spiritaliter calefieret, utilia suadendo contulit.
Sederet namque illi homo, si qui ratione utens eius stulta deprimendo corrigeret. |
