Quotation |
Villa enim Graece 'pagos' dicitur, unde 'paganos' appellamus eos, quos a ciuitate Dei alienos et quasi
urbanae conuersationis esse uidemus expertes.
Sed de pago Simon egrediens crucem portat post Iesum, cum populus nationum paganis ritibus
derelictis uestigia Dominicae passionis oboedienter amplectitur.
Nec fortuitum, sed figuratum et mysticum fuit, ut Iudaeis in Christum saeuientibus ad compatiendum
ei peregrinus occurreret, dicente Apostolo: si conpatimur, et conregnabimus, ut sacratissimo
Saluatoris obprobrio non Ebraeus quisquam nec Israhelita, sed alienigena subderetur. |