| Quotation |
Nam stellae ortus primum a magis intellectus tipice indicat mox gentes in Christo credituras et
homines professionis longe a stientia diuinae cognitionis auersos lumen, quod statim in ortu eius
extitit, cognituros.
Nam ipsa stella gratiae caelestis fideique spiritalis splendorem designat, quo populus nationum ad
Christum, qui est sol iustitiae, peruenit.
Et bene stella natiuitatem Saluatoris indicauerat, siquidem ipse natus est, cuius gratiae donum
spiritale Abrahae semen quasi stellas caeli cotidie usque ad finem saeculi toto terrarum orbe in sanctis
et electis spiritaliter progenerat. |
