| Quotation |
Huius gentis quae est laetitia uel gaudium? Audi: Regnum Dei non est esca et potus, sed iustitia et
pax et gaudium in Spiritu sancto; et alibi idem Apostolus: Qui gloriatur, in Domino glorietur; et illud:
Haec est gloria nostra testimonium conscientiae nostrae; et alibi: Gloriamur in spe gloriae filiorum
Dei.
Gens ergo Dei laetatur et gloriatur in Domino, non in flore uanitatis, sed in spe aeternitatis, gaudet
gaudio spiritali.
Vt lauderis cum hereditate tua, id est ut simus hereditas tua et lauderis a nobis. |
